తాతల ఆస్తిని భార్య సంతకం లేకుండా అమ్మేయవచ్చా?

పిత్రార్జిత ఆస్తిలో పిల్లల హక్కులు ఏమిటి?

అమరావతిముచ్చట్లు:

​❓ ప్రశ్న: నా భర్త తాతల కాలం నాటి ఆస్తిని నా సంతకం లేకుండా అమ్మేశారు. ఆయన మరణించిన తర్వాత ఈ విషయం నాకు తెలిసింది. భూమి అమ్మే సమయంలో మైనర్లుగా ఉన్న నా ఇద్దరు కుమారులు ఇప్పుడు మేజర్లు అయ్యారు. ఇప్పుడు మేము లీగల్ గా ఫైట్ చేయొచ్చా?

​⚖️ సమాధానం:

​🔸 భార్య సంతకం అవసరమా?: పిత్రార్జిత (Ancestral) ఆస్తిని అమ్మేటప్పుడు చట్టపరంగా భార్య సంతకం తప్పనిసరి కాదు.

​🔸 పిల్లల హక్కులు: తాతల ఆస్తిలో కుమారులకు పుట్టుకతోనే సమాన హక్కు ఉంటుంది. కేవలం కుటుంబ అత్యవసరాల కోసం లేదా ఆస్తి ప్రయోజనం కోసం మాత్రమే తండ్రి ఆ ఆస్తిని అమ్మాలి. ఎలాంటి అవసరం లేకుండా వ్యక్తిగత విలాసాల కోసం అమ్మితే ఆ అమ్మకం చెల్లదు.

​🔸 న్యాయ పోరాటం: భూమి అమ్మినప్పుడు మైనర్లుగా ఉన్న మీ కుమారులు, ఇప్పుడు మేజర్లు (18 ఏళ్లు నిండిన వారు) అయిన 3 సంవత్సరాల లోపు (అంటే 21 ఏళ్లు నిండక ముందే) సివిల్ కోర్టులో “డిక్లరేషన్ మరియు పార్టిషన్ సూట్” (Suit for Declaration and Partition) వేయాలి. తండ్రి చేసిన అమ్మకం తమ వాటా వరకు చెల్లదని కోర్టు ద్వారా డిక్లేర్ చేయించుకుని, తమ వాటాను తిరిగి పొందవచ్చు.

​📌 గమనిక: ప్రతి కేసుకు సంబంధించిన పరిస్థితులు వేరుగా ఉంటాయి. చట్టపరమైన వ్యవధి (Limitation Period) దాటకముందే సేల్ డీడ్ మరియు ఇతర సంబంధిత డాక్యుమెంట్లతో న్యాయవాదిని సంప్రదించడం ఉత్తమం.

​మరిన్ని న్యాయపరమైన సలహాలు, సందేహాల కోసం:

సంప్రదించండి: డాక్టర్ గోదా రమేష్ కుమార్,అడ్వకేట్.
మొబైల్ నెంబర్:9666618606.

Tags: Can ancestral property be sold without the wife’s signature?