తమిళనాడులో ఫలితాలకు ముందే టెన్షన్..

రిసార్ట్ రాజకీయాలకు విజయ్ పార్టీ సిద్ధం

తమిళనాడు ముచ్చట్లు:

తమిళనాడులో హంగ్ అసెంబ్లీ ఏర్పడుతుందన్న అంచనాలు

ఫలితాలకు ముందే రిసార్ట్ రాజకీయాలకు సిద్ధమైన విజయ్ పార్టీ

గెలిచిన ఎమ్మెల్యేలను మహాబలిపురం రిసార్టుకు తరలించేందుకు ఏర్పాట్లు

ఎమ్మెల్యేలు చేజారకుండా నటుడు విజయ్ ముందస్తు వ్యూహాలు

కౌంటింగ్ కేంద్రాల వద్ద భద్రత పెంచాలని ఈసీని కోరిన టీవీకే

పార్టీ వర్గాల సమాచారం ప్రకారం గెలిచిన ఎమ్మెల్యేలను మహాబలిపురం సమీపంలోని పూంజేరిలో ఉన్న ఓ ప్రైవేట్ రిసార్టుకు తరలించేందుకు ఏర్పాట్లు చేస్తున్నారు. 100 మందికి పైగా బస చేసేందుకు వీలుగా ఈ రిసార్టును సిద్ధం చేయాలని విజయ్ పార్టీ ముఖ్య నేతలకు సూచించినట్లు తెలిసింది. మే 4న ఫలితాలు వెలువడిన వెంటనే గెలిచిన అభ్యర్థులను ఇక్కడికి తరలించనున్నారు.

గతవారం ఎగ్జిట్ పోల్స్ వెలువడిన తర్వాత విజయ్ తన పార్టీ అభ్యర్థులతో సమావేశమయ్యారు. గెలిచిన తర్వాత ఎవరూ ఎక్కడికీ వెళ్లవద్దని, వెంటనే పనైయూర్‌లోని పార్టీ ప్రధాన కార్యాలయానికి రావాలని ఆయన స్పష్టం చేశారు. దీంతో పాటు, కౌంటింగ్ ప్రక్రియలో ఎలాంటి న్యాయపరమైన సమస్యలు ఎదురైనా ఎదుర్కొనేందుకు పార్టీ లీగల్ వింగ్‌ను కూడా అప్రమత్తం చేశారు. కౌంటింగ్ కేంద్రాల వద్ద అదనపు భద్రత కల్పించాలని ఎన్నికల సంఘాన్ని కోరాల్సిందిగా పార్టీ జనరల్ సెక్రటరీ ఆధవ్ అర్జునను విజయ్ ఆదేశించారు. మరోవైపు, అధికార డీఎంకే మాత్రం తాము అతిపెద్ద పార్టీగా అవతరించి మళ్లీ అధికారంలోకి రావడం ఖాయమని ధీమా వ్యక్తం చేస్తోంది.

Tags: Tension in Tamil Nadu even before the results.