ఆస్తి కోసం రక్తపాతం.. అన్నను కడతేర్చిన తమ్ముడు

ఆళ్లగడ్డ మండలంలో దారుణం – ఆస్తి వివాదం రక్తపాతం – ఇద్దరు అన్నదమ్ములకు గాయాలు

నంద్యాల ముచ్చట్లు:

ఆళ్లగడ్డ మండలంలోని ఆర్.కృష్ణాపురంలో ఆస్తి వివాదం ఘోర హత్యకు దారితీసింది. ఎస్సీ కాలనీకి చెందిన ఏసేబుకు ఐదుగురు కుమారులు ఉండగా, వారిలో ఆస్తి పంచుకునే విషయంలో కొంతకాలంగా తరచూ గొడవలు జరుగుతున్నాయి.

ఈ నేపథ్యంలో శనివారం రాత్రి కుటుంబంలో మరోసారి వాగ్వాదం చోటుచేసుకుంది. మాటల తగాదా ఘర్షణగా మారి, తమ్ముడు విజయరాజు ఆవేశంతో రోకలిబండతో అన్న దైవ భక్తుడు (40)పై దాడి చేశాడు. తీవ్రంగా గాయపడిన దైవ భక్తుడు అక్కడికక్కడే మృతి చెందాడు.

ఈ ఘర్షణను అడ్డుకునేందుకు ప్రయత్నించిన మరో ఇద్దరు అన్నదమ్ములు కూడా గాయపడ్డారు. సమాచారం అందుకున్న ఆళ్లగడ్డ రూరల్ పోలీసులు సంఘటన స్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం తరలించారు. నిందితుడు విజయరాజుపై కేసు నమోదు చేసి దర్యాప్తు చేపట్టారు.

Tags: Bloodshed over Property: Younger Brother Kills Elder Brother