శ్రీకాళహస్తీ ముచ్చట్లు:
శ్రీకాళహస్తీశ్వర స్వామి వారి దేవస్థానంలో శ్రీ మృత్యుంజయ స్వామి వారికి వైదిక మంత్రోచ్చారణల నడుమ విశేష అభిషేక కార్యక్రమం భక్తిశ్రద్ధలతో నిర్వహించబడింది.
ఈ సందర్భంగా స్వామి వారికి పవిత్ర జలాలు, పాలు, పెరుగు, తేనె, నెయ్యి, కొబ్బరి నీరు, చందనం, బిల్వదళాలు మరియు సుగంధ ద్రవ్యాలతో మహాభిషేకం నిర్వహించారు. అనంతరం ప్రత్యేక అలంకరణ చేసి, అర్చనలు, హారతి సమర్పించారు.
మహామృత్యుంజయ మంత్ర పారాయణంతో నిర్వహించిన ఈ అభిషేకంలో పాల్గొన్న భక్తులు స్వామివారి అనుగ్రహాన్ని పొందారు. లోకక్షేమం, సర్వజన సుఖశాంతులు, ఆయురారోగ్యాలు కలగాలని అర్చకులు ప్రత్యేక ప్రార్థనలు నిర్వహించారు.
Tags: Abhishekam to Sri Mrityunjaya Swamy performed with devotion and reverence.
