అతడు యువకుడు… అక్రమ బంధానికి బానిసయ్యాడు.
ఆమె కన్న కూతురు… ఆ ఇద్దరి పాపానికి బలిపశువైంది!
అమరావతిముచ్చట్లు:
ఒక అపవిత్రమైన ఆలోచన, ఒక దారుణమైన హత్య, పడకగదిలోనే ఆరడుగుల సమాధి… నేర సామ్రాజ్యంలో కలకలం రేపిన ఈ ఘోర కలికి సంబంధించిన పూర్తి వివరాలు ఇప్పుడు చూద్దాం.
ఆ తల్లి కామంతో ఆలోచించిన కుట్ర!
అతని పేరు శంషేర్. యవ్వనంలో ఉన్న కుర్రాడు. ఆ ఇంట్లో ఉండే ఒక తల్లితో అతనికి అక్రమ సంబంధం ఏర్పడింది. ఆ బంధం ఎక్కడ తెగిపోతుందో, శంషేర్ ఎక్కడ చేజారిపోతాడోనని ఆ తల్లికి భయం పట్టుకుంది. అందుకే ఆమె ఒక కర్కశమైన ప్లాన్ వేసింది. తన కూతురైన మోహిదాన్ను శంషేర్కు ఇచ్చి పెళ్లి చేయాలనుకుంది. కూతురిని కట్టుకుంటే, అల్లుడి నెపంతో శంషేర్ ఎప్పుడూ తనతోనే ఉంటాడని, ఇద్దరితోనూ కలిసి సంసారం చేయవచ్చని ఆమె దుర్మార్గమైన ఆలోచన చేసింది. ఆ తల్లి వేసిన ప్లాన్ ప్రకారమే, జూన్ నెలలో శంషేర్, మోహిదాన్ల వివాహం ఘనంగా జరిగింది.
పెళ్లయిన నెలకే మొదలైన అనుమానం!
పెళ్లయి కొత్త కాపురం సజావుగానే సాగుతోంది అనుకునేలోపే, శంషేర్ మనసులో అనుమానపు భూతం ప్రవేశించింది. తన భార్య మోహిదాన్ తరచూ ఎవరితోనో ఫోన్లో మాట్లాడుతోందని అతను గమనించాడు. ఆ అనుమానం రోజురోజుకూ ముదిరిపోయింది. పెళ్లయి నెల కూడా గడవకముందే, ఆ అనుమానం కాస్తా దావానలంలా మారింది.
జులై 11:
జులై 11వ తేదీన ఆ ఇంట్లో ఘోరం జరిగింది. భార్య ఫోన్ కాల్స్ విషయంలో శంషేర్ ఆమెతో గొడవకు దిగాడు. కోపంతో ఊగిపోతూ, పదునైన కత్తితో మోహిదాన్ను పొడిచి దారుణంగా చంపేశాడు. హత్య చేసిన తర్వాత శవాన్ని బయటకు తీసుకెళ్తే దొరికిపోతానని గ్రహించిన శంషేర్… అత్యంత కిరాతకంగా ప్లాన్ చేశాడు. తాము పడుకునే బెడ్రూమ్లోనే, మంచం కింద ఏకంగా ఆరడుగుల గొయ్యి తవ్వాడు. మోహిదాన్ శవాన్ని అందులో పడేసి మట్టి కప్పేశాడు. ఎవరికీ అనుమానం రాకుండా ఉండేందుకు, ఆ గొయ్యి పైన సిమెంట్ ప్లాస్టరింగ్ కూడా చేసి, కొత్తగా ఫ్లోరింగ్ వేసేశాడు. అంతా అయిపోయాక ఏమీ తెలియనట్టు నిద్రపోయాడు.
జులై 13:
హత్య జరిగిన రెండు రోజుల తర్వాత, అంటే జులై 13న నేరుగా పోలీస్ స్టేషన్కు వెళ్లాడు శంషేర్. చాలా అమాయకంగా మొహం పెట్టి, “నా భార్య కనిపించడం లేదు సార్, వెతికి పెట్టండి” అంటూ మిస్సింగ్ కేసు పెట్టాడు. పోలీసులు కూడా అతడి మాటలు నమ్మి కేసు నమోదు చేసి దర్యాప్తు ప్రారంభించారు.
జూలై 15:
కేసు దర్యాప్తులో భాగంగా జులై 15న పోలీసులు శంషేర్ ఇంటికి వచ్చారు. ఇల్లంతా గాలిస్తుండగా పోలీసుల నిశిత పరిశీలనలో ఒక విషయం బయటపడింది. బెడ్రూమ్లో మంచం కింద ఉన్న ఫ్లోరింగ్ మిగతా నేల కంటే కొత్తగా, ప్యాచ్ వేసినట్టుగా ఉంది. పోలీసులకు గట్టి అనుమానం వచ్చింది. వెంటనే మంచాన్ని పక్కకు జరిపి, ఆ కొత్త ఫ్లోరింగ్ను తవ్వించారు. ఆరడుగుల లోతు తవ్వగానే… కుళ్లిపోతున్న స్థితిలో ఉన్న మోహిదాన్ శవం బయటపడింది!
కన్నతల్లి కామ పిశాచిగా మారి చేసిన ఆలోచనకు, అనుమానంతో ఊగిపోయిన భర్త కిరాతకానికి ఒక నిరుపేద యువతి బలి కాగా… నిందితుడు శంషేర్ను పోలీసులు అరెస్ట్ చేసి రిమాండ్కు తరలించారు.
Tags: She was the mother who gave birth to her… but she became blinded by lust.
