రాష్ట్రంలో శాంతిభద్రతలు పూర్తిగా దిగజారాయి: గడికోట

తాడేపల్లి ముచ్చట్లు:

రాష్ట్రంలో కూటమి ప్రభుత్వం రెండేళ్ల పాలనలో శాంతిభద్రతలు పూర్తిగా దిగజారిపోయాయని వైఎస్సార్సీపీ ప్రధాన కార్యదర్శి గడికోట శ్రీకాంత్ రెడ్డి ఆరోపించారు. మంగళవారం తాడేపల్లిలోని వైఎస్సార్సీపీ కేంద్ర కార్యాలయంలో నిర్వహించిన మీడియా సమావేశంలో ఆయన మాట్లాడారు.

రాష్ట్రంలో ఎమ్మెల్యేలు పోలీసు వ్యవస్థను ప్రభావితం చేస్తూ ప్రత్యర్థులపై దాడులు, వేధింపులకు పాల్పడుతున్నారని విమర్శించారు. చింతమనేని ఘటన, సాయికృష్ణ వ్యవహారం వంటి సంఘటనలు రాష్ట్రంలో నెలకొన్న పరిస్థితులకు నిదర్శనమని పేర్కొన్నారు. ప్రశ్నించే వారిపై ఒత్తిళ్లు తెస్తూ సోషల్ మీడియా ఖాతాలను సైతం నిరోధించే ప్రయత్నాలు జరుగుతున్నాయని ఆరోపించారు.

ప్రజాస్వామ్యంలో ప్రతిపక్షాలకు ప్రశ్నించే హక్కు ఉందని, ప్రభుత్వ వైఫల్యాలను ఎత్తిచూపితే వేధింపులకు గురిచేయడం సరికాదన్నారు. రాష్ట్రంలో మహిళలు, చిన్నారుల భద్రతపై కూడా ఆందోళన వ్యక్తం చేశారు. కూటమి ప్రభుత్వం ప్రజాస్వామ్య విలువలను కాపాడాలని, పోలీసు వ్యవస్థ నిష్పాక్షికంగా పనిచేసేలా చర్యలు తీసుకోవాలని ఆయన డిమాండ్ చేశారు. అయితే ఈ ఆరోపణలపై ప్రభుత్వ స్పందన తెలియాల్సి ఉంది.

Tags: Law and order in the state has completely deteriorated: Gadikota