అన్నమయ్య జిల్లాలో హైటెక్ నిఘా

… డ్రోన్లతో పోలీసుల కట్టుదిట్టమైన పర్యవేక్షణ

మదనపల్లి ముచ్చట్లు:

అన్నమయ్య జిల్లాలో శాంతిభద్రతలను మరింత బలోపేతం చేయడానికి పోలీసులు హైటెక్ నిఘాను అమలు చేస్తున్నారు. జిల్లా ఎస్పీ ధీరజ్ ఆదేశాల మేరకు ‘విజిబుల్ పోలీసింగ్’ను ముమ్మరం చేస్తూ ఆధునిక సాంకేతికతను వినియోగిస్తున్నారు.

మదనపల్లి, రాయచోటి వంటి పట్టణాల్లో రద్దీ ప్రాంతాలు, ప్రధాన కూడళ్లు, అనుమానాస్పద ప్రదేశాల్లో డ్రోన్ కెమెరాల ద్వారా పర్యవేక్షణ చేపట్టారు. నేలపై పోలీసుల గస్తీతో పాటు ఆకాశం నుంచి డ్రోన్లు ప్రతి కదలికను గమనిస్తున్నాయి. దీంతో నేరాలను ముందుగానే గుర్తించి అరికట్టే అవకాశం కలుగుతోంది.

మహిళలు, విద్యార్థినుల భద్రత కోసం ‘శక్తి బృందాలు’ కూడా రంగంలోకి దిగాయి. కాలేజీలు, బస్టాండ్లు, జనసంచారం ఎక్కువగా ఉండే ప్రదేశాల్లో ఈ బృందాలు నిరంతరం నిఘా కొనసాగిస్తున్నాయి. ఎవరైనా వేధింపులకు పాల్పడితే డ్రోన్ ఆధారాలతో వెంటనే గుర్తించి కఠిన చర్యలు తీసుకుంటామని పోలీసులు హెచ్చరిస్తున్నారు.

ఈ హైటెక్ నిఘా వల్ల ప్రజల్లో భద్రతా భావం పెరుగుతుండగా, పోలీసులు ప్రజలు కూడా సహకరించాలని కోరుతున్నారు. అత్యవసర పరిస్థితుల్లో 100/112కు సమాచారం ఇవ్వాలని సూచించారు.

Tags; Hi-tech surveillance in Annamayya district