టీటీడీ రవాణా విభాగంలో భక్తిశ్రద్ధలతో ఆయుధ పూజ

తిరుపతి ముచ్చట్లు:

వాహనాలు, యంత్ర పరికరాలకు సంప్రదాయబద్ధంగా ప్రత్యేక పూజలు

టీటీడీ రవాణా విభాగంలో శుక్రవారం ఆయుధ పూజ వేడుకలను ఘనంగా నిర్వహించారు.

ఈ కార్యక్రమంలో టీటీడీ చైర్మన్ బీఆర్ నాయుడు, ఈవో ముద్దాడ రవిచంద్ర, జేఈవో (విద్య, ఆరోగ్యం) ప్రభల గోపీనాథ్ పాల్గొన్నారు.

రవాణా విభాగానికి చేరుకున్న చైర్మన్, ఈవో, జేఈవోలకు విభాగాధిపతి శ్రీ రాము ఆధ్వర్యంలో అర్చకులు సంప్రదాయబద్ధంగా స్వాగతం పలికారు.

అనంతరం శ్రీవారి విగ్రహానికి ప్రత్యేక పూజలు నిర్వహించారు. ఆయుధ పూజలో భాగంగా రవాణా విభాగానికి చెందిన వాహనాలు, యంత్ర పరికరాలకు శాస్త్రోక్తంగా పూజలు చేసి, సర్వతోముఖాభివృద్ధి, సుఖసంతోషాలు కలగాలని ప్రార్థించారు.

పూజల అనంతరం అర్చకులు తీర్థప్రసాదాలు అందజేశారు. ఈ సందర్భంగా రవాణా విభాగం జీఎం శ్రీ రాము చైర్మన్, ఈవో, జేఈవోలను శాలువాలతో సత్కరించారు.

ఈ కార్యక్రమంలో టీటీడీ బోర్డు సభ్యులు నరేష్ కుమార్, ట్రాన్స్‌పోర్ట్ డీఎం లక్ష్మీ ప్రసన్న, డీఐ మోహన్, పలువురు అధికారులు, ఉద్యోగులు పాల్గొన్నారు.

Tags: Ayudha Puja with devotion in TTD Transport Department