పల్నాడు జిల్లాలో నేడు ‘తల్లికి వందనం’.. నిధుల జమ..

పల్నాడు ముచ్చట్లు:

1,76,583 మంది తల్లులకు లబ్ధి..

​రాష్ట్ర ప్రభుత్వం అత్యంతప్రతిష్టాత్మకంగా అమలు చేస్తున్న ‘తల్లికి వందనం’ పథకం కింద ఆర్థిక సహాయం విడుదల చేసేందుకు సర్వం సిద్ధమైంది. విద్యార్థుల చదువులకు భరోసానిస్తూ, తల్లుల ఖాతాల్లో నేరుగా నగదు జమ చేసే ఈ కార్యక్రమం నేడు రాష్ట్రవ్యాప్తంగా అట్టహాసంగా ప్రారంభం కానుంది. ఈనేపథ్యంలో పల్నాడు జిల్లాలోనూ లబ్ధిదారులైన తల్లుల ఖాతాల్లోకి నిధులు జమ కానున్నాయి.

​జిల్లాలో లబ్ధిదారుల వివరాలు..

​ప్రభుత్వ మార్గదర్శకాల ప్రకారం అర్హత సాధించిన విద్యార్థులకు ఒక్కొక్కరికి ₹13,000 చొప్పున ఆర్థికసహాయం అందనుంది.పల్నాడు జిల్లా వ్యాప్తంగా అందిన దరఖాస్తులు మరియు సమగ్ర సర్వే ఆధారంగా అధికారిక గణాంకాలను అధికారులు విడుదల చేశారు:
​మొత్తం విద్యార్థుల సంఖ్య: 2,83,084
​లబ్ధి పొందుతున్న తల్లుల సంఖ్య: 1,76,583

​నిధుల విడుదలపై సర్వత్రా హర్షం..

​పాఠశాల విద్యను అభ్యసించే విద్యార్థుల తల్లులకు ఆర్థిక భారం తగ్గించాలనే ఉద్దేశంతో ప్రభుత్వం ఈ పథకానికి శ్రీకారం చుట్టింది. నేడు నిధులువిడుదలవుతుండటంతో జిల్లాలోని లబ్ధిదారులు హర్షం వ్యక్తం చేస్తున్నారు. తల్లుల ఆధార్‌తో అనుసంధానమైన బ్యాంకు ఖాతాల్లో నేరుగా నగదు జమ కానుండటంతో ప్రక్రియ పారదర్శకంగా సాగుతుందని అధికార వర్గాలు వెల్లడించాయి.
​ఎలాంటి సాంకేతిక ఇబ్బందులు తలెత్తకుండా జిల్లా యంత్రాంగం అన్ని ఏర్పాట్లను పూర్తి చేసింది.నిధుల జమపై ఏవైనా సందేహాలు ఉంటే స్థానిక సచివాలయాలు లేదా విద్యాశాఖఅధికారులను సంప్రదించాలని సూచించారు.

Tags: ‘Talliki Vandanam’ in Palnadu district today… funds to be credited…