అమరావతి ముచ్చట్లు:
రాబోయే 2029 ఎన్నికల నాటికి రైతులకు రుణమాఫీ అమలు చేసే దిశగా వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి ఇప్పటి నుంచే ముందస్తు వ్యూహాలు రచిస్తున్నట్లు రాజకీయ వర్గాల్లో ఆసక్తికరమైన ప్రచారం సాగుతోంది. రైతు సంక్షేమమే ధ్యేయంగా భవిష్యత్తు కార్యాచరణను సిద్ధం చేయడంలో భాగంగా ఆయన ఈ నిర్ణయం తీసుకున్నట్లు సమాచారం.రైతు రుణమాఫీ పథకం అమలు సాధ్యాసాధ్యాలు, ఆర్థిక వనరుల సమీకరణ, అర్హులైన రైతుల వివరాల సేకరణ వంటి కీలకమైన అంశాలపై అధ్యయనం చేయడానికి ఒక ప్రత్యేక ఉన్నత స్థాయి కమిటీ బృందాన్ని ఏర్పాటు చేసే ఆలోచనలో వైఎస్ జగన్ ఉన్నట్లు తెలుస్తోంది. గతంలో తమ ప్రభుత్వం అమలు చేసిన రైతు భరోసా, ఉచిత పంటల బీమా వంటి పథకాలకు తోడుగా.. భవిష్యత్తులో ఈ రుణమాఫీ హామీ ద్వారా రైతులకు మరింత భరోసా ఇవ్వాలని పార్టీ భావిస్తోంది. అయితే, ఈ కమిటీ ఏర్పాటుపై పార్టీ శ్రేణుల నుంచి అధికారిక ప్రకటన వెలువడాల్సి ఉంది.
Tags: Farmer Loan Waiver in 2029: YS Jagan Formulating Plans!
