కివీస్ గడ్డపై భారత్ వన్డే సిరీస్ విజయం.

. ఉత్కంఠ పోరులో 22 పరుగుల తేడాతో గెలుపు!

• ప్లేయర్ ఆఫ్ ద మ్యాచ్: అర్షదీప్: (14, 3/30)
• ప్లేయర్ ఆఫ్ ద సిరీస్: గుర్నూర్ బ్రార్ (9వికెట్లు)

న్యూజిలాండ్ ముచ్చట్లు:

న్యూజిలాండ్ పర్యటనలో ఉన్న భారత క్రికెట్ జట్టు అద్భుత ప్రదర్శనతో ఐదు మ్యాచ్‌ల వన్డే సిరీస్‌ను 3-1 తేడాతో కైవసం చేసుకుంది. ఆదివారం బే ఓవల్ వేదికగా జరిగిన ఐదవ, చివరి వన్డేలో టాస్ ఓడి తొలుత బ్యాటింగ్ చేసిన భారత్, టాపార్డర్ విఫలమైనప్పటికీ అక్షర్ పటేల్ (46), ఇషాన్ కిషన్ (46) రాణించడంతో 42.1 ఓవర్లలో 209 పరుగులకు ఆలౌటైంది. అనంతరం 210 పరుగుల స్వల్ప లక్ష్య ఛేదనకు దిగిన న్యూజిలాండ్‌ను భారత బౌలర్లు కట్టుదిట్టమైన బౌలింగ్‌తో ఉక్కిరిబిక్కిరి చేశారు. అర్ష్‌దీప్ సింగ్ (3/30), మొహమ్మద్ సిరాజ్ (2/50), అక్షర్ పటేల్ (2/28) విజృంభించడంతో కివీస్ 48.1 ఓవర్లలో 187 పరుగులకే కుప్పకూలింది. దీంతో 22 పరుగుల తేడాతో విజయం సాధించిన టీమ్ ఇండియా, గత మ్యాచ్ ఓటమికి గట్టి ప్రతీకారం తీర్చుకుని సిరీస్ ట్రోఫీని ముద్దాడింది.

ఇక టెస్ట్ సమరానికి రంగం సిద్ధం!
వన్డే సిరీస్ విజయంతో ఫుల్ జోష్‌లో ఉన్న భారత్, తదుపరి రెండు మ్యాచ్‌ల టెస్ట్ సిరీస్‌లో న్యూజిలాండ్‌తో తలపడనుంది. ఈ నెల 19 నుండి 23 వరకు వెల్లింగ్టన్‌లోని బేసిన్ రిజర్వ్ వేదికగా తొలి టెస్ట్, నవంబర్ 27 నుండి డిసెంబర్ 1 వరకు క్రైస్ట్‌చర్చ్‌లోని హాగ్లీ ఓవల్ వేదికగా రెండో టెస్ట్ జరగనుంది (భారత కాలమానం ప్రకారం ఉదయం 3:30 గంటలకు మ్యాచ్‌లు ప్రారంభమవుతాయి.)

Tags: India wins ODI series on Kiwi soil.