అమరావతిముచ్చట్లు:
టాలీవుడ్‌లో విక్టరీ వెంకటేశ్ అభిమానులు ఎదురుచూస్తున్న చిత్రం ‘ఆదర్శ కుటుంబం హౌస్ నంబర్ 47’ (AK 47) విడుదల తేదీ మరోసారి ఖరారైంది. త్రివిక్రమ్ శ్రీనివాస్ దర్శకత్వంలో తెరకెక్కుతున్న ఈ ఫ్యామిలీ ఎంటర్‌టైనర్ అక్టోబర్ 30న ప్రపంచవ్యాప్తంగా థియేటర్లలో విడుదల కానుంది. గతంలో అక్టోబర్ 2, ఆ తర్వాత అక్టోబర్ 9న విడుదల చేయాలని చిత్రబృందం నిర్ణయించినప్పటికీ, పలు కారణాలతో వాయిదా పడింది. తాజాగా అక్టోబర్ 30న ప్రేక్షకుల ముందుకు తీసుకురావాలని మేకర్స్ ప్రకటించారు.
వెంకటేశ్ – త్రివిక్రమ్ కాంబినేషన్‌పై ఆసక్తి
వెంకటేశ్, త్రివిక్రమ్ శ్రీనివాస్ కలయికలో వస్తున్న ఈ సినిమాపై ప్రేక్షకుల్లో ఆసక్తి నెలకొంది. కుటుంబ అనుబంధాలు, హాస్యం, భావోద్వేగాలు, యాక్షన్ అంశాలతో ఈ చిత్రాన్ని రూపొందిస్తున్నారు. శ్రీనిధి శెట్టి కథానాయికగా నటిస్తుండగా, పలువురు ప్రముఖ నటీనటులు కీలక పాత్రల్లో కనిపించనున్నారు.
ఈ చిత్రానికి తమన్ సంగీతం అందిస్తున్నారు. హారిక అండ్ హాసిని క్రియేషన్స్ బ్యానర్‌పై ఎస్. రాధాకృష్ణ నిర్మిస్తున్నారు. కొత్త విడుదల తేదీతోనైనా సినిమా ప్రేక్షకులను అలరిస్తుందా? బాక్సాఫీస్ వద్ద ఎలాంటి స్పందన అందుకుంటుందా? అనేది ఆసక్తికరంగా మారింది.
Tags: Release date confirmed for Venkatesh’s ‘Adarsha Kutumbam’ – arriving in theaters on October 30
